Það er bara eitthvað svo fallegt við uglur og þær eru klassískar. Þetta ugluteppi er kjörið fyrir krakka til að dröslast með í sófanum yfir góðri mynd eða sem ábreiða á rúmið. Uglan er fjölfróð og stílhreint útlit hennar, augun, goggurinn og útlínurnar, er endalaus uppspretta fyrir handavinnu- og listafólk. Það er því kjörið tækifæri að láta ugluna hafa áhrif á sig og skapa sitt eigið munstur með eigin teikningu.